ТЭРАРЫСТЫ ТРАПІЛІ Ў “КАЦЁЛ”

Прэс-сакратар Рады Нацыянальнай Бясьпекі і Абароны Украіны Андрэй Лысенка 3 ліпеня паведаміў пра адзін з вынікаў ваеннага наступу Украінскай арміі на тэрарыстычныя банды. Уначы быў зафіксаваны факт спробы ўцёкаў групы тэрарыстаў з 300 баевікоў праз мяжу на тэрыторыю Расеі. Аднак расейскія памежнікі адкрылі па тэрарыстах агонь з усіх відаў зброі.

Вядома таксама, што так званыя “апалчэнцы” здаюцца ў палон украінскім вайскоўцам і складаюць зброю малымі і большымі групамі. Многія кідаюць зброю і хаваюцца ў сваіх дамах.

Аналітыкі шукаюць адказ на пытаньне: чаму расейская армія мае загад не пускаць у Расею “своіх ребят”? Мяркуецца, што “ребята” нікому не патрэбныя, заданьне яны правалілі. Да таго ж, калі ўпусьціць у Расею хаця б 300 баевікоў-уцекачоў, то ў бок Расеі пабягуць усе астатнія. Бачна, што Масква баіцца масавых уцёкаў сваёй кліентуры.

(Паводле Gordonua.com)

Павел Гулевіч