А ПРЫ ЧЫМ ТУТ БЕЛАРУСКІ НАРОД?

Радыё Свабода зьмясьціла гэтакую інфапмацыю:

“Паводле афіцыйных беларускіх паведамленьняў кіраўнік беларускага замежнапалітычнага ведамства Сяргей Мартынаў накіраваў у Брусэль ліст, дзе прапаноўвае пачаць перамоўны працэс пра ўзаемныя паездкі грамадзянаў Беларусі й Эўразьвязу, а таксама ўрэгуляваць пытаньне зь візамі.

Як вынікае з гэтага ліста, беларускі бок істотна спрасьціў візавыя фармальнасьці для ўезду эўрапейцаў у Беларусь. У сваю чаргу, Эўразьвяз ад пачатку году павялічыў кошт шэнгенскіх візаў для беларусаў да 60 эўра.

Беларускія грамадзяне таксама скардзяцца на тое, што ім апошнім часам адмаўляюць у візах, адзначана ў лісьце кіраўніка беларускага МЗС.

Як сказала “Свабодзе” Хрысьціна Гоман, прэсавы сакратар эўракамісара Фэрэра-Вальднэр, візавае пытаньне таксама было на парадку дня перамоваў:

“Пытаньне ўзаемных паездках і візавых фармальнасьцяў — частка нашага супрацоўніцтва, бо мы спадзяемся на гэта, на ўдзел Беларусі ў эўрапейскай палітыцы суседзтва. Калі беларускі бок падасьць нам сапраўдныя сыгналы, што сьведчылі б аб прагрэсе ў галіне дэмакратызацыі, мы будзем дэталёва абмяркоўваць гэтыя пытаньні”, — сказала брусэльская Фэрэра-Вальднер

-інфа-