ВЫЙШЛА НОВАЯ КНІГА ПРА СЛУЦКІ ЗБРОЙНЫ ЧЫН

У гістарычнай майстэрні ў Менску прэзэнтаваная дакумэнтальная кніга пра антыбальшавіцкае паўстаньне 1920 году, больш вядомае пад назовам Слуцкі збройны чын.

Гэта другое дапоўненае невядомымі раней беларускаму чытачу матэрыяламі з польскіх архіваў выданьне. У яго ўвайшлі таксама ўспаміны ўдзельнікаў паўстаньня, дакумэнты пра яго з архіваў рускіх карных ворганаў, фотаздымкі камандзіраў узброеных аддзелаў і кіраўнікоў створаных на Случчыне ворганаў мясцовае і дзяржаўнае беларускае ўлады.

(Паводле радыё Свабода)