ГАЛАДОЎКА ПРАТЭСТУ З НАГОДЫ ІНАЎГУРАЦЫІ

Ў Наваполацку распачаў галадоўку пратэсту сябар Кансэрватыўна-хрысьціянскай партыі БНФ Анатоль Кулік. Спадар Кулік наўмысна распачаў сваю акцыю ў момант, калі Аляксандар Лукашэнка зьбіраецца трэцім разам запар заняць прэзыдэнцкі пасад.

Паводле галадоўніка, ён тым самым пратэстуе супраць парушэньня дзейнай канстытуцыі і пайшоў на такі крок, ня маючы іншых сродкаў выказаць сваё абурэньне дзеяньнямі ўладаў.

Анатоль Кулік паведаміў сябрам і знаёмцам, што будзе галадаваць два тыдні, пры гэтым першы тыдзень плянуе хадзіць на працу.

Спадар Кулік яшчэ ўвосень 1988 году стаў сябрам Беларускага Народнага фронту, а на дадзены момант ачольвае гарадзкую суполку КХП.

Паводле Радыё "Свабода"