ФАШЫЗМ У РАСЕІ

А 27 сакавіка ў Маскве агучылі прысуд "русскому парню" А. Копцаву, які пару месяцаў таму ўварваўся ў маскоўскую сінагогу і рэзаў нажом людзей, пакуль яго ня скруцілі вернікі. Было паранена сем чалавек. Сьледства высьветліла, што "простой русскій парень" зачытваўся і натхняўся расейскімі выданьнямі кнігаў А. Гітлера і маскоўскіх фашыстаў. Копцаву далі 13 гадоў турмы (вядома, што ён можа выйсьці па амністыі праз пару гадоў). І вось, што прыкметна. Суд зьняў з фашыста частку абвінавачваньняў. А менавіта "у распальваньні міжнацыянальнай нянавісьці". Паводле маскоўскага суда, гэты Копцаў "проста так" уварваўся ў габрэйскі храм і "проста так" пасёк нажом габрэяў. Але бачыць увесь сьвет — расейскае грамадзтва захлынаецца фашыстоўскай нянавісьцю да ўсяго "нерусского". Хворая імпэрыя, якой ужо не дапаможа нават самая вопытная брыгада псіхіятраў.

Янка Базыль, Інфармацыйная камісія КХП-БНФ